!محبت سے آگے

                               !محبت سے آگے

کتنا اچھا اور میٹھا لفظ ہے محبت۔ مگر  اس کی گہرائی کا  

اندازہ  کرنا بہت مشکل ہے۔ مجھے سمجھ نہیں آ رہی کہ اس پیار ، محبت ،لگائو اور دل کو اچھا لگنے والے جزبے کے درمیان فرق کیسے کرو۔ میں تو سمجھتا تھا کہ کسی چیز کا دل کو اچھا لگنا،کسی چیز سے لگائو ہونا محبت ہے۔ میں تو اسی محبت سے واقف تھا۔ میرے لیے محبت اس سے بڑھ کر کچھ نہیں تھی۔ یہ محبت مجھ میں کوٹ کوٹ کر بھری ہوئی تھی۔ مجھے سب سے محبت تھی۔

اپنے والدین سے،اپنے بھائیوں سے، اپنے گھر سے، خاص پر اپنے کمرے سے،اپنی کاپیوں  سے اپنی پنسلوں سے، اپنے سکول یونیفارم سے۔ اس محبت کے ساتھ کچھ وقت گزارنے کے بعد، فلموں اور ڈراموں سے ایک اور محبت کا پتہ چلا۔ جیسا کہ اکثر دکھایا جاتا ہے کہ ہیرو کی، ہیروئن پر نظر پڑتی ہے اور  انھیں آپس میں پیار ہو جاتا ہے۔ محبت ہو جاتی ہے۔شروع میں یہ محبت میرے لیے بڑی پریشان کن تھی۔ مگر آہستہ آہستہ اس محبت کا بھی عادی ہو گیا۔

اس محبت کی بہت سی کہانیاں سنی بھی اور دیکھی بھی۔ مگر اس محبت میں ایک اور چیز آتی ہے، شادی۔
 یہاں تک تو سب کچھ صحیح تھا۔ مگر محبت کی ایک تیسری قسم، جو اب دیکھنے کو ملی ہے۔ یہ بہت حیران کن ہے۔ شروع میں تو، میں سمجھا کہ یہ  پہلے والی قسم کی ہی محبت ہے۔ جیسے دو بھائی آپس میں محبت کرتے ہیں۔ ایسے ہی دو دوست بھی آپس میں محبت کرسکتے ہیں۔ مگر حقیقت میں مجھے ایسا نظر نہیں آیا۔ مجھے تو یہ الگ ہی نظر آئی۔ ایسا معلوم ہوتا ہے کہ یہ محبت پہلے والی قسم اور دوسری قسم کا مکسچر ہے۔ دوسری والی محبت سے یہ  اس طرح ملتی ہے کہ یہ محبت بھی  میں نے ایک ہی نظر میں ہوتے دیکھی۔ اور عاشق کو محبوب کے لیے ایسے ہی بے چین ہوتے دیکھا جیسے ایک لڑکا ایک لڑکی کے لیے ہوتا ہے۔ اس محبت میں رقیب بھی بنتے دیکھے اور عاشقوں کو تڑپتے بھی دیکھا۔

 


اس محبت کے بارے میں جاننا  شروع کیا تو ہوش ہی اڑ گئے۔دنیا کتنی پیچیدہ ہے!۔